144 псалом

Эй Юмем, мыйын Кугыжам, Тыйым моктем, Тыйын лӱметым курымеш да курым-курымеш чапландарем. Тыйым кече еда чапландарем да лӱметым курымеш, курым-курымеш мокташ тӱҥалам. Юмо кугу да чот моктымо, Тыйын пеш кугу улметын мучашыже уке. Тыйын пашат-шамычым тукым гыч тукымыш мокташ да Тыйын куатетым палдараш тӱҥалыт. Святынетын сылне чапшым ойлаш да ӧрыктарыше пашатым палдараш тӱҥалыт. Лӱдыктышӧ пашатын куатшым каласат да Тыйын пеш кугу улметымат палдарат. Тыйын кугу порылыкет нерген шарнымашым увертарат да Тыйын чынетым йывыртен мураш тӱҥалыт. Юмо поро да чаманыше, кужун чытыше да чот чаманыше. Юмо чылаланат поро, Тудын порылыкшо чыла пашаштыжат. Эй Юмо, чыла пӱрымет Тыйын нерген палдарыже ыле, Тыланет йӧрышӧ-шамыч Тыйым чапландарышт ыле. Тыйын Кугыжанышетын чапшым каласат да Тыйын куатет нерген ойлат, Тыге Тыйын куатет нерген жа Тыйын Кугыжанышетын сылне чапше нерген айдеме эрге-шамычлан каласат. Тыйын Кугыжанышeт – курымашлык Юмын Кугыжаныш, Тыйын кучен ашныметат – чыла тукымышто. Юмо чылa мутыштыжат ӱшанле да чыла пашаштыжат Святой. Камвозаш тӱҥалше-шамычым чылаштымат Юмо пеҥгыдемда да кудалтыме-шамычымат кынелта. Чыпаштын шинчашт Тыланет ӱшанa, да Тый нyнылан кӱлеш годым кочкышым пуэт: Кидетым почат да чыла чонаным порылыкет дене темет. Юмо чыла корныштыжат чын да чыла пашаштыжат Святой. Тудым сӧрвален ӱжшӧ-шамычлан чылаштлан, чын дене сӧрвапен ӱжшӧ-шамычлан чылаштлан Юмо лишыл. Тудын деч лӱдшӧ-шамычын эрыкыштым шукта‚ кумалмыштымат колеш да нуным утара. Тудым йӧратыше-шамычым Юмо чылаштымат арапа да чыла языкан-шамычым пытара. Мыйын умшам Юмын чапшым ойла, чыла капан Тудын святой лӱмжым курымеш, курым-курымеш чапландара.

Добавить комментарий

Ваш e-mail не будет опубликован. Обязательные поля помечены *