143 псалом

Мыйын Господь Юмем чаплыме, Тудо кидем сар пашалан, парням сар ӱзгар кучылташ туныкта. Тудо порылык ыштышем да тынысле аралтышем, мыйым утараш пурышо да мыйын утарышем, мыйым саклышем, да мый Тудлан ӱшанашым. Тудо мыйын калыкемым мыйым колыштшым ышта. Эй Юмо, мо тугай айдеме, вет Тый тудлан Шкендым почынат: але айдемын эргыже мо улеш? Вет Тый тудын нергенат шонет. Айдеме арам паша гае: тудьш кечыже-шамыч ӱмыл гае эртат. Эй Юмо, пылпомыш-шамычым пӱгыртӧ да воло, курык-шамычым тӱкалте, да нуно шикшаш тӱҥалыт. Волгенчым волгалтаре да нуным шалатен колтет, пикш умдет-шамычым колто да нуным пудыратен пытарет. Кӱшычын кидетым шуен, мыйым арален нал да келге вӱд деч мыйым утаре: йот еҥ-шамычын эргышт кид гыч, Нунын умшашт кӱлдымашым ойлышт, а пурла кидышт – шоякым ыштыше пурла кид. Эй Юмо, Тылат у мурым мурем, лу кыпан псалтирь дене Тыланет мурем, Вет Тый кугыжа-шамычлан утарымашым пуэт, Шке кулетым, Давидым, осал керде деч утарет. Мыйым утаре да мыйым йот еҥ-шамычын эргышт кид гыч арален нал, нунын умшашт кӱлдымашым ойлышт, а пурла кидышт - шоякым ыштыше пурла кид. Нунын эргышт изинекак чот вожаҥше самырык пушеҥге гай, а ӱдырышт моторын сӧрастарыме черке гае чевер улыт. Нунын клатышт шурно дене темын, ларышт гыч тӱргоч йога; тӱлӧ вуян шорыкьшт кӱтымӧ верыштышт шукемыт, ӱшкыжышт коя улыт. Саварышт пеҥгыде улыт, нунын гоч пураш ок лий, уремьшiтышт кычкырыме йӱкат ок шокто. Тыгай калыкым пиаланлан шотлат гынат, кӧн Юмыжо Господь - тудо калык веле пиалан.

Добавить комментарий

Ваш e-mail не будет опубликован. Обязательные поля помечены *