142 псалом

Господь, мыйын кумалмем кол, Шке чынлыкет дене мыйын сӧрвалымем пылышышкет нал, Шке виклыкет дене мыйым кол. Шке айдемет дене судышко ит шогал, вет Тыйын ончылнет ик илыше еҥат чыныш лектын ок керт. Вет мыйын чонем тушман поктыш, мыйын илышем мландышке тошкыш, шукерте колышо-шамыч гаеш шотлен, мыйым пычкемышке петырыш. Мыйын шӱлышем кӧргыштем шӱлыкаҥе, мыйын кӧргыштем шӱмем лӱдӧ. Читать далее 142 псалом

143 псалом

Мыйын Господь Юмем чаплыме, Тудо кидем сар пашалан, парням сар ӱзгар кучылташ туныкта. Тудо порылык ыштышем да тынысле аралтышем, мыйым утараш пурышо да мыйын утарышем, мыйым саклышем, да мый Тудлан ӱшанашым. Тудо мыйын калыкемым мыйым колыштшым ышта. Эй Юмо, мо тугай айдеме, вет Тый тудлан Шкендым почынат: але айдемын эргыже мо улеш? Вет Тый тудын нергенат шонет. Айдеме арам паша гае: тудьш кечыже-шамыч ӱмыл гае эртат. Читать далее 143 псалом

144 псалом

Эй Юмем, мыйын Кугыжам, Тыйым моктем, Тыйын лӱметым курымеш да курым-курымеш чапландарем. Тыйым кече еда чапландарем да лӱметым курымеш, курым-курымеш мокташ тӱҥалам. Юмо кугу да чот моктымо, Тыйын пеш кугу улметын мучашыже уке. Тыйын пашат-шамычым тукым гыч тукымыш мокташ да Тыйын куатетым палдараш тӱҥалыт. Святынетын сылне чапшым ойлаш да ӧрыктарыше пашатым палдараш тӱҥалыт. Лӱдыктышӧ пашатын куатшым каласат да Тыйын пеш кугу улметымат палдарат. Тыйын кугу порылыкет нерген шарнымашым увертарат да Тыйын чынетым йывыртен мураш тӱҥалыт. Читать далее 144 псалом

145 псалом

Эй, чонем, Юмым мокто. Илыме курымыштем Юмым моктем, илымем годым Юмемлан мурем. Князь-шамычлан‚ айдеме эрге-шамычлан ӱшанымашдам ида пыштe, нунын дене утарымаш уке. Тудын шӱлышыжӧ лектеш, да тудо шке мпандышкыже пӧртылеш: тиде кечын чыла шонымашыже пыта. Поро пиалан тудо, кӧн полшышыжо - Иаковын Юмыжо, да кӧн ӱшанымашыже Шке Господь Юмыжлан, Кудо пылпомышым, мландым, теҥызым, нунын кӧргыштӧ улшым - чылажымат пӱрен, чыным курымеш арала, Орлык ужшо-шамычлан Тудо чын судым ышта, шужышо-шамычлан кочкышым пуа. Шинчырлыме-шамычым Юмо утара, Сокыр-шамычлан Юмо ушым пуа, кудалтыме-шамычым Юмо нӧлта, чыным ыштыше-шамычым Юмо йӧрата. Куснен толшо-шамычым Юмо арала, тулык йочам да тулык ватым онча да языкан-шамычын корныштым пытара. Господь курымеш кугыжаланаш тӱҥалеш. Эй, Сион, тыйын Юмет тукым гыч тукымышко. Читать далее 145 псалом

146 псалом

Юмым моктыза, вет псалом мурымаш поро; мемнан моктымына Юмылан йӧрышӧ лийже. Иерусалим олам ыштыше Юмо шаланен илыше Израиль калыкым пога. Тудо ойгырышо шӱман-шамычым паремда да нунын сусыр верыштым пидеш, Шӱдыр-шамыч чотым пала да нунылан чылаштлан лӱмым пуа. Мемнан Юмына кугу, Тудын куатшат кугу, да Тудын ушыжо мыланна умылен шукташ лийдыме. Юмо ӱҥышӧ енгым йӧратен налеш, а языканым мланде марте лапкаҥда. Юмым чапландараш тӱҥалза, мемнан Юмылан кӱсле дене мурыза. Тудо кавам пыл дене леведеш, мландылан йӱрым ямдыла, курык ӱмбалан шудым шочыкта да еҥ-шамычлан кочкаш шурным кушта, Вольыклан да Тудым ӱжын шогышо куррныж иге-шамычлан кочкышым пуа. Имньын вийжым огыл Тудо йӧрата да пӧръеҥын писын куржын кертмыжлан кумылжым огеш пыште. Тудын деч лӱдшылан да Тудын чаманымыжлан ӱшаныше еҥлан Юмо кумылжым пышта. Читать далее 146 псалом

147 псалом

Эй Иерусалим, Юмым мокто, эй Сион, Юметым чапландаре! Вет Тудо тыйын капка тӱкылтышетым чоткыдемден; тыйын кумдыкыштет илыше эргыч-шамычым порын сугыньлен. Тудо тыйын илыме верыштет тынысым пеҥгыдемда да тыйым эн сай шыдаҥ дене тема. Шке мутшым мланде ӱмбаке колта, Тудын мутшо вашке шарла. Мландым ош меж гае лум дене леведеш, тӱтырам ломыж гае шава, Шке шолемжым кинде катыш гайым кышка. Тудын йӱштыжым кӧ чыта? Тудо Шке мутшым колта да чыла шулыкта; Тудын мардежше пуалеш да вӱдшо йога. Шке мутшым Иаковлан, чыныш лукмашыжым да судшо-шамычым Израильлан увертара. Тудо моло калыклан туге ыштен огыл, нунылан судшо-шамычым палдарен огыл. Читать далее 147 псалом

148 псалом

Господьым Пылпомыш гыч моктыза, кӱшнӧ Тудым моктыза. Чыла Суксыжо-шамыч, Тудым моктыза, чыла куатше-шамыч, Тудым моктыза. Кече ден тылзе, Тудым моктыза, чыла шӱдыр-шамычат, волгыдат, Тудым моктыза. Пылпомыш ӱмбалсе Пылпомыш-шамыч, пылпомыш-шамыч деч кӱшнӧ улшо вӱдат, Тудым моктыза. Юмын лӱмжым моктышт: вет Тудо каласен - да лийьныт, шӱден - да пӱралтыныт. Тудо нуным курымеш, курым гыч курымеш шынден, шӱдымашым пуэн, да тудо шукталтде огеш код. Мланде деч Юмым моктыза: кишке да пундашдыме чыла вер; Тудын шӱдымыжым шуктен шогышо тул, шолем, лум, ий, тале мардеж; Курык ден чыла кӱкшӧ вер, саскам пуышо пушеҥге да чыла кедр; Ир янлык ден чыла вольыкат, нушкын коштшо-шамыч да шулдыран кайык-шамыч; Мланде ӱмбалнысе кугыжа да чыла калык, власть кучышо-шамыч да мланде ӱмбалнысе чыла тӧра; Вуеш шушо эрге ден ӱдыр-шамыч, шоҥго ден самырык-шамычат Юмын лӱмжым моктышт, вет Ик Тудын тъша лӱмжӧ нӧлталалтын: Тудым чапландарымаш - пылпомыштат, мланде ӱмбапнат. Тудо Шке калыкшын вийжым нӧлталеш; да Шканже йӧрышӧ-шамычын, Израильын эргыже-шамычын, Тудын деке лишемше калыкын мурыжо тыгай. Читать далее 148 псалом

149 псалом

Юмылан у мурым мурыза: Юмылан йӧрышо-шамычын погынымаште Тудлан моктымаш лийже. Израиль шкенжым пӱрышылан куаныже, да Сион эрге-шамычат Шке кугыжаштлан йывыртат. Тудын лӱмжым пырля мурен моктат, тимпан да псалтирь дене Тудлан мурат. Вет Юмо Шке калыкшылан порым шона да ӱҥышӧ-шамычым утарымашке нӧлта. Юмылан йӧрышӧ-шамыч чап дене мокталтыт, кийыме верыштышт йывыртат. Нунын умшаштышт Юмым моктымаш, а калык-шамычлан ӱчым шукташ да тукым-шамычым вожылмашеш кодаш, нунын кугыжашт-шамычым сорлыклаш да кугуракышт-шамычын кидыштым кӱртньӧ пидыш дене шинчырлаш, да ожнак палемдыме судым ышташ манын, кидыштышт - кок могырымат пӱсемдыме керде. Тиде чап Юмылан йӧрышӧ чыла еҥлан лиеш. Читать далее 149 псалом

150* псалом

Этот псалом не вошел в основной текст 150 псалма. Он был написан Давидом после его поединка с Голиафом.

Шке изам коклаште эн изи да ачамын пӧртыштыжӧ эн самырык лийынам. Ачамын шорык-влакшым мый кӱтенам. Мыйын кидем органым ыштен, парням-шамыч псаптирьым оҥареныт. Мыйын нерген Господемлан кӧ ойлен? Шкеак Господь, Шкеак колын. Шке Суксыжым Шкеак колтен да мыйым ачамын шорык кӱтӱжӧ деч налын, да Шке шӱрышаш ӱйжӧ дене мыйым шӱрен. Мыйын изам-влак мотор да кугу лийыныт, но Господь нунылан кумылжым пыштен огыл. Мый йот айдеме ваштареш лектынам, да тудо шке идолжо-влак дене мыйым карген. А мый, тудын кердыжым шупшын луктын, вуйжым руалынам да Израиль эрге шамыч ӱмбач мыскылымашым кораҥденам. Читать далее 150* псалом